శనైశ్చర కృత శ్రీ నరసింహ స్తుతి

శనైశ్చర కృత  శ్రీ నరసింహ స్తుతి 

సులభో భక్తి యుక్తానాం దుర్దర్శో దుష్టచేతసాం | 

అనన్య గతికానాం చ ప్రభుర్భక్తైక వత్సలః ||

శనైశ్చరస్తత్ర నృసింహదేవస్తుతిం చకారామల చిత్తవృత్తిః| 

ప్రణమ్య సాష్టాంగమశేషలోక కిరీట నీరాజిత పాదపద్మం ||

శ్రీ శనిరువాచ

యత్పాదపంకజరజ పరమాదరేణ

సంసేవితం సకలకల్మష రాశినాశం |

కల్యాణకారకం అశేష నిజానుగానాం 

స త్వం నృసింహ మయి దేహి కృపావలోకం ||

సర్వత్ర చంచలతయా స్థితయా హి  లక్ష్మ్యా

బ్రహ్మాదివంద్యపదయా స్థిరయాన్య సేవి |

పాదారవిందయుగలం పరమాదరేణ 

స త్వం నృసింహ మయి దేహి కృపావలోకం ||

యద్రూపం ఆగమశిరః ప్రపాద్య మాద్యం 

ఆధ్యాత్మికాది పరితాపహరం విచింత్యం |

యోగీశ్వరైరపగతాఖిల దోష సంఘైః  

స త్వం నృసిం హ మయి దేహి కృపావలోకం||

ప్రహ్లాద భక్తవచసా హరిరావిరాస 

స్తంభే హిరణ్య కశిపుం య ఉదారభావః|

ఊర్వో నిధాయ ఉదరం నఖరైర్దదార

స త్వం నృసిం హ మయి దేహి కృపావలోకం||

యో నైజభక్తం అనలాంబుధి భూధరోగ్ర 

శృంగప్రపాత విషదంతి సరీసృపేభ్యః|

సర్వాత్మకః పరమకారుణికో రరక్ష

స త్వం నృసిం హ మయి దేహి కృపావలోకం ||

యన్నిర్వికార  పరరూప విచింతనేన 

యోగీశ్వరా విషయవీత సమస్తరాగాః|

విశ్రాంతిమాపూర వినాశవతీం పరాఖ్యాం

స త్వం నృసిం హ మయి దేహి కృపావలోకం ||

యద్రూపముగ్ర పరిమర్దన భావశాలి 

సంచింతనేన సకలాఘ వినాశకారి|

భూత జ్వర గ్రహ సముద్భవ భీతినాశం

స త్వం నృసిం హ మయి దేహి కృపావలోకం||

యస్యోత్తమం యశ ఉమాపతి పద్మ జన్మ

శక్రాది దైవత సభాసు సమస్తగీతం|

శక్త్యైవ సర్వశమల ప్రశమైక  దక్షం

స త్వం నృసిం హ మయి దేహి కృపావలోకం||

ఇత్థం శ్రుత్వా స్తుతిం  దేవః శనినా కల్పితాం హరిః |

ఉవాచ బ్రహ్మ వృందస్థం శనిం తం భక్త వత్సలః||

శ్రీ నృసింహ ఉవాచ

ప్రసన్నోహం శనే తుభ్యం వరం వరయ శోభనం|

యం వాంఛసి తమేవ సర్వలోక హితావహం ||

శ్రీ శనిరువాచ

నృసింహ త్వం మయి కృపాం  కురు దేవ దయానిధే |

మద్వాసరస్తవ ప్రీతికరః స్యాద్దేవతాపతే||

మత్కృతం త్వత్పరం స్తోత్రం శృణ్వంతి చ పఠంతి చ|  

సర్వా్ కామా్ పూరయేథాః తేషాం త్వం లోకభావన||

శ్రీ నృసింహ ఉవాచ

తథైవాస్తు శనే హం వై రక్షోభువనః సంస్థితః 

భక్త కామా్  పూరయిష్యే  త్వం మమైకం వచః శృణు ||

త్వత్ కృతం మత్పరం స్తోత్రం యః పఠే చ్ఛణుయాచ్ఛ యః|

ద్వాదశాష్టమ జన్మస్థాత్ త్వధ్భయం మాస్తు తస్య వై||

శనిర్నరహరిం దేవం తథేతి ప్రత్యు వాచ హ|

తతః పరంసంతుష్టాః జయేతి మునయోవద ్||

శ్రీ కృష్ణ ఉవాచ

ఇదం శనైశ్చర స్యాథ నృసిం హ దేవ 

సంవాదమేతత్ స్తవనం చ మానవః | 

శృణోతి యః శ్రావయతే చ భక్త్యా 

సర్వాణ్య భీష్టాని చ విందతే ధ్రువం||

శనైశ్చర కృత శ్రీ నరసింహ స్తుతి అనేది శనైశ్చరుడు చేసిన ప్రార్థన. శ్రీనరసింహ స్వామి మరియు శనైశ్చరుడు మధ్య జరిగిన సంభాషణగా  శ్రీకృష్ణుడు ద్వారా తెలియజేయబడింది.

ఏలినాటి శని (7 ½ సంవత్సరాలు), అష్టమశని, అర్ధాష్టమశని, శనిమహాదశ లేదా శనిఅంతర్ధశ జరుగుతున్నప్పుడు శనైశ్చర కృత శ్రీనరసింహ స్తుతి చెయ్యడం చాల శక్తివంతమైన పరిహారక్రియ గా విశ్వసిస్తారు.